|
تسع طعش اثنين سبعة وعشرين
الله ياكبر الحدث والمصيبه
يومٍ فقدنا به من أحد المسمين
فقيد حرب وكل حي دري به
هو جازي الوسوس لمن قال لي مين
شيخ شهر بين الاجانب بطيبة
جاه ووجاه وكف يندي مع الدين
حلال عقدات الامور الصعيبه
جاهه يفك اللي عليه الكوالين
بشرى الذي يبغى الفرج ينتخي به
ولا يذبح الا الحيل ضان وبعارين
ويمناه تفني كل ما طب جيبه
راعي هلا حييت طلق الحجاجين
مجمّع الثنتين عزه وهيبه
عز الله انه غاب عنا على الزين
اللي بحزات القسى نعتزي به
ما مات من عقب حرار ميامين
كل على نهجة مشى يهتدي به
عزاي العيالة والادنى ولاقصين
فقيدة ما فيه شك وريبه
رحت ابا عزيهم وجوني معزين
يا رب جبر خاطري عزني به
عساه بالجنة معي قولو امين
في جاه ثالث للامين وصحيبه
|
