|
|
|
يا منيف أنا راسي من الهرج منداش
غديـت لـون معايـد القريتيـنـي
|
|
لا واهني النـاس يـا منيـف دلاش
وانـا عذابـي كـل يـوم يحينـي
|
|
اقنب قنيب الذيب بطـراف عكـاش
شفى ولا شـاف العـرب نازلينـي
|
|
في ليلة غدراء بها طـل ورشـاش
وفيهـا الجليـد مسـويٍ طابقينـي
|
|
اقنب قنيبه يوم يقنب مـن الجـاش
وون مثـلـه بالخـفـى ونتيـنـي
|
|
من هاجس بيـن المعاليـق نهـاش
يخمـنـي بالثانـيـه مرتـيـنـي
|
|
ليا جيت أهدي فيه يا منيف يهتـاش
والناس ما يـدرون عمـا يجينـي
|
|
يا راكب اللي قيمتـه كلهـا كـاش
أشهب سوات الذيب مـن جانبينـي
|
|
عليك بالمنهل ليا صـرت معطـاش
على الـروى ومشاهـد الغانمينـي
|
|
ملفاك شغوم على الطيـب مدغـاش
جـازي مـلاذ مـدور الحاجتينـي
|
|
هو منوة اللي تالـي الليـل هتـاش
عن الونس والنـاس لـه ليلتينـي
|
|
يلقى سواليفٍ علـى دلال وفـراش
سوالفٍ ما هـي سوالـف دوينـي
|
|
ما مر فيها عرض غافل ولا نـاش
عروض خلـق الله وهـم غافلينـي
|
|
حلوٍ نباه وقلبه أنظف مـن الشـاش
وانظف مـن القرطـاس للكاتبينـي
|
|
ما هي سواليفٍ تعـود ليـا مـاش
هذا ولـد هجـاج هيـف السمينـي
|
|
ذبـاح للجمعـه فرافيـر الأكبـاش
ما قول قول الناس شوفـي بعينـي
|
|
عاده لهـم عنـده بليـا تشوبـاش
ليا صلوا الجمعـه وجـو فايضينـي
|
|
فاتح لهم بابيـن والثالـث قـراش
وثاني لهـم رجلـه علـى دلتينـي
|
|
ما حط وسط الضو كرتون وقشـاش
يعبا لهن جـرم الغضـا رصتينـي
|
|
ريحة زفرهن فوق جمره ليا غـاش
يجيله اللـي مـن وراء شارعينـي
|
|
يبذل لهم من طيب نفسه وما حـاش
الله يعيـن بعـونـه الصابريـنـي
|
|
إن كان هو موجود وإن كان طراش
ليا غاب وصى عقبـه الحاضرينـي
|
|
له ما قف يصعب على كـل هـلاش
ياويـل والله عقـبـه الواثيـنـي
|
|
المارد اللـي تـارده كـل الأدبـاش
تفـوح أنابيعـه وجمـه رصيـنـي
|
|
هداج ما صامت ضواميـه عطـاش
شيخ العـدود اللـي يلـم القطينـي
|
|
إن جيت بأول ليل وان جيت غباش
هداج لو شان الدهـر مـا يشينـي
|
|
مثلك يابن هجـاج والعلـم نبـراش
عندي بدور اليـوم مالـك حتينـي
|
|
ما قلتها قصدي عراميش وعـراش
لا والذي صامـوا لـه الصايمينـي
|
|
مار أنت راعيها ليا كوبش الـلاش
اللـي يابـو نـواف لـه نيتيـنـي
|
|
من لا بة يخشى غظبهم ليـا طـاش
أولاد راشـد ميتمـيـن الجنيـنـي
|
|
رجالهم مثل الهزبـري ليـا هـاش
لو لان صوان الحجـر مـا يلينـي
|
|
ما يلقي فيهم من العيـب مدغـاش
أفعالهـم تعـرف وهــم بينيـنـي
|
|
تمـت ولانـي بالتماثيـل غشـاش
ولا قول مـا كـل العـرب طيبينـي
|
|
وصاني الدكتـور والعارفـه عـاش
وانـا دكتـور سـيـد العارفيـنـي
|
|
يقـول لا تهـدي معانيـك ببـلاش
القـول واجـد والقليـل ثميـنـي
|
|
ولاني بعروض الأجاويـد حشـاش
مـا تابـع الغـرّات بالمسلميـنـي
|
|
لا شك فيِّه مـن تصانيـف هـواش
وافهم واعرف ان المحصن حصيني
|
|
تمت ومن عاداك ياميـر لا عـاش
وتـم الكـلام الـي بـداه المزينـي
|
|
ما قلت ماني عن قوافيـه منحـاش
وصلوا على المختـار يالسامعينـي
|
