قصيدة للشاعر سلطان عبد الله الوسيدي في جازي بن
هجاج الوسوس
|
|
|
يا مرحبا بسم الأميـر أبـو نـواف
اعداد ما هل المطـر مـن سحابـه
|
|
وعداد من بالبيت يسعـى ويطـاف
بسم الأميـر اللـي عزيـز جنابـه
|
|
جازي وربعه طيبهم ماض الأسلاف
وأنتم هلا واللي حضر مرحبـا بـه
|
|
عند الأمير اللي رقى رأس مشراف
سيف لنـا لا كشـر الوقـت نابـه
|
|
عقب أبتداء الترحيب وبديت لاهداف
أبشرح الموضـوع جابـه بجابـه
|
|
ليا مدحت الشيـخ مانـي بزهـاف
عيب على اللي ما يبرهـن جوابـه
|
|
ماضٍ لبن هجاج بالصعـب ميقـاف
سعي سعابـه عنـد ربـي ثوابـه
|
|
فك الثلاثه عقـب ماديـر الاكتـاف
وطاب المريض اللي تجدد صوابـه
|
|
حل الامور المعضله عقب ما شـاف
وتيسرت من يـوم جـازي سعابـه
|
|
أرضى الجميع وسامحو كل الطراف
وعادوا على درب الهـدا والحبابـه
|
|
ما حسب المشوار مع كثر الا تلاف
ياحـي شيـخ للـمـلأ ينعـدابـه
|
|
ضد الضديـد وللمساييـر عطـاف
حر ينومس من نخـا واعتـزا بـه
|
|
موا قفه ماهن بسيطـات وخفـاف
الـي ذكرتـه كـل حـي درابــه
|
|
ومن لا دراء ينشد من الناس عراف
حتى يتبيـن لـه صحيـح الكتابـه
|
|
يا كثر ما يفعل من الطيب بنصـاف
لعلنـي مـا قولهـا مـن غيـابـه
|
|
يجيه من يشكي من أيامـه أخـلاف
ومن دون ناص البيت ماصك بابـه
|
|
غيثن على العاني وغيثن لمن ضاف
وكلمة هلا للضيف مع خـف نابـه
|
|
على الدلال اللي بغاديـد ونضـاف
فنجالهـن فيـه الهنـا والطـرابـه
|
|
على الخساير ما لحقـه التحسـاف
ما حا شتـه يمنـاه نفـد حسابـه
|
|
ما يذبح إلا الذود مدهـال الاريـاف
سلمـن لأبـوه ولابتـه والقرابـه
|
|
ولاني على كثر المخاليـق كشـاف
كل الرجال ابطـال يـوم الصحابـه
|
|
الناس فيها الوان وأشكال واصناف
ماني على العالـم مسـوي رقابـه
|
|
عبرت ما كنه ضميري من القـاف
ومن لا يعد الصـدق وش ينبغابـه
|
|
|
