قصيده للشاعر /سعد غازي الحنيني

 في جازي الوسوس

 

 
بسم الله أبدأ بالقلم وابـدع القـاف
مسيرٍ ممشـى القمـر  والنجومـي
اللي يخيف الناس والله مـا خـاف
مسهـل العسـرات ربٍ رحـومـي
سجل بيوت داخل الظـرف بغـلاف
يم الأمير اللـي يعـرف السلومـي
على إمريكي مشى يوهف  أوهـاف
أسبق من اللي بالجناحيـن  يومـي
بيوت مني صافيـه لابـو  نـواف
تنصاه من بـد القبايـل  عمومـي
شيخ محله زاهـي كـل الأوصـاف
ليا قـرأ المكتـوب يلقـى لزومـي
من طالبٍ ينخاك يا عقب الأشـراف
تعبان بيـن الهندسـة  والعلومـي
الله يجيرك من صواديف  الاصداف
يا طيب السمعـه قـوي العزومـي
يا مقلط للضيف من كل  الأصنـاف
على صحون ضايقتهـا الشحومـي
يا جازي الوسوس بعض وقتنا طاف
على الدراسه واشتكي لك  همومـي
كلية الضباط حـاول لنـا  أسعـاف
أبغى أتقدم وأنـت تقـدر  قدومـي
ياميرياللي عارفٍ رمـي الأهـداف
يابن الرجـال الطيبيـن  القرومـي
يامير ياللـي للصعيبـات  عسـاف
ياعل عمـرك كـل عـام  يدومـي
ياميـر ياللـي للمهمـات  عـراف
ياللي على الشدات دايـم عزومـي
كثر الهقاوي خلت القلـب  شفـاف
محتار من بين الضمايـر  يهومـي
عساك سالم لا مخالف ولا  خـلاف
والله يجيرك من جميـع الصدومـي
وصلاة ربي عد من حـج وإطـاف
وإعداد ما ينشـي ثقيـل الغيومـي
صلوا معي عداد الاشهر  والأنصاف
علـى نبـي للتطـوع  يصـومـي