قصيدة للشاعر ابالعون  في الشيخ / جازي الوسوس
 

 

راكب الى مارشـح زيـت السوايـل
ابيـض صممـه علـى  عبارتينـي
ماعليـه إلا الدريـول  والرسـايـل
كنـه الـى وجهـو يـم الخميـنـي
يلفي الـي عادتـه كسـب الجمايـل
مـاردٍ يبهـج كـبـود الوارديـنـي
مـاردي هـداج مـالـي بالثمـايـل
الرسوس ارسوس والجم  الرصينـي
ياولـد هجـاج ماغيـرك صمـايـل
لـو حسبنـا بالشيـوخ الاوليـنـي
لـو حسبنـا للشيـوخ  وللحمـايـل
اهل العـادات مـن طـول السنينـي
شيوخ حرب اللى لهم بالمجـد فايـل
عايـزيـن بالمـراجـل فايزيـنـي
مابهـم عـذروب مارأنتـه  هوايـل
زايـد فعـلـك عليـهـم مرتيـنـي
يانزيه العـرض يـاواف  الخصايـل
ياطويـل البـاع ياهيـف  السمينـي
ياقليل الوصـف مـع كـل  القبايـل
مـاش مثلـك غيـر نـا قليليـنـي
انت مثل سهيل عنـه الشـك زايـل
كوكـب مالـه شبيـه ولا حتيـنـي
ليا طلـع يذهـب لواهيـب القوايـل
باهـي جـوه يـسـر الناظريـنـي
اشهد انك شيخ وعلومـك  وجلايـل
لـو عليـه يزعلـون  الذاهبيـنـي
ماحسبـنـا للسـقـاط  والحثـايـل
خـصٍ الـى مابهـم دنيـا  ودينـي
لـو زعلهـم كبـر جبـال  حـايـل
يزعلـون ويكـرمـون الطيبيـنـي
ما علي من الردى لـو قالـوا مايـل
وشرهة الطيب على رأسي  وعينـي
ما قصـدت الاعلـى فعـل  ودلايـل
ولا خضعـت الـراس لا  لوالدينـي
دايـم مرفـوع راسـي  والمثـايـل
عندي أحلى من من عروض الغافليني
مانعيـل ولا نطـاوع كـل  عـايـل
وان بلونا النـاس قلنـا الله  يعينـي
كان نـاش الزنـد صـوان الفتايـل
الوعـد قـدام والخـافـي يبيـنـي
ليا صلينا الفـرض صلينـا النفايـل
والعبـاده مـن العبـاد العابديـنـي
امـدح الـي يمدحونـه  بالفعـايـل
مثل أبـن هجـاج واكـب  الدوينـي
ما نقلت الهرج مـن بيـن العوايـل
مثـل نـاس بالبيـوت  مولعيـنـي
يوم عجـزوا دنقـوا مثـل الحلايـل
بالمشـاكـل داخلـيـن وطالعيـنـي
ما بهـم غيـر النمايـم  والفشايـل
وذا دليـل العاجزيـن  الفاشايـنـي
أهـل التظليـل شينيـن  الدغـايـل
الله أنـه لا يثيـب الحاقـد  يـنـي