|
|
|
يا راكب اللـي جاهـزن للمهمـات
ماوقفـه عنـد المغـيـر يـزيـده
|
|
من معرضه ما حطبه غيـر لوحـات
منـوت غريـبٍ دار حيـه بعـيـده
|
|
شد الجميح اللي يبـوح المسافـات
يسبق عواصيف الهبـوب الشديـده
|
|
ممشى الدداسن يوم له خمس ساعات
ممتـاز صنعـت مخلفيـن العقيـده
|
|
ملفاه أبو نـواف راعـي الجمـالات
جازي ولد هجاج منصـا القصيـده
|
|
وليـا وصلتـه بلـغـه بالتحـيـات
وأكـرر سلامـي للفريـدي وزيـده
|
|
وقله ترايه شفـت بالوقـت ميـلات
وشكـواي للـي يطلبونـه عبيـده
|
|
واشكي عليك القل ماهـي عيـارات
ياريف من مثلـي ظروفـه عنيـده
|
|
علي همـن ثقـل ضلعـان أبانـات
وجبال أجاء وجبال سلمـى رصيـده
|
|
صبرت صبرن يجرح القلب بسكـات
مثل اللحـام اللـي يقـص الحديـده
|
|
وأنخاك نخوه ونـت راع المـروات
تشيل عنـي مـن همـوم ٍ مكيـده
|
|
يالحر يا نسل الحـرار الا صيـلات
اللي ينومس من قنص بـه بصيـده
|
|
ابغـا عمـل ياميـر مبغـا عنيـات
أوضـح المعنـى بتـال النشـيـده
|
|
وصلاة ربي عد من صلى الاوقـات
على النبي راع الصفـات الحميـده
|
